Temos outro blog

Aquí atoparás un novo blog do club Sansaliber. Felices lecturas.

Obradoiro de historia do libro

Os membros do diversos grupos do club de lectura participaron, durante os tres últimos xoves de febreiro, nun obradoiro sobre a historia do libro impartido pola bibliotecaria municipal. Dende aquí querémoslle dar as grazas por contar con nós para esta interesante actividade.

Visita de Eduardo Estevez

Os alumnos membros do club de lectura acudiron o día 24 de maio a un coloquio de Eduardo Estevez titulado “Literatura na rede”. Esta actividade, que foi organizada pola Axencia Municipal de Lectura de San Sadurniño, amosounos as novas formas de creación literaria asociadas ás novas tecnoloxías: blogues literarios, micropoemas en rede, literatura colaborativa...

Letras Galegas 2011: Lois Pereiro

Lois Pereiro nace en Monforte de Lemos no ano 1958 e finou na Coruña en 1996. Escribiu unha poesía radicalmente intimista e humana, na que a influencia do poesía simbolista e o punk se mesturan.

e estou vivindo un soño repetido

nas noites dos que me seguen querendo

LOIS PEREIRO

Para saber máis sobre Lois Pereiro:

http://www.edu.xunta.es/biblioteca/blog/?q=node/385

http://es.wikipedia.org/wiki/Lois_Pereiro

http://www.coordinadoraendl.org/letras2011/index.php?pax=inic

http://www.realacademiagalega.org/letters/ViewHonoredFigure.do

Ernesto Sabato. In memoriam.

O pasado 30 de abril faleceu aos 99 anos o escritor, ensaísta, físico e pintor arxentino Ernesto Sabato , un dos grandes escritores nacidos no século XX.

Estudou Física e Matemáticas na Universidade de La Plata, doutorándose en 1938. Neste ano viaxou a Paris (onde entrou en contacto co surrealismo) para traballar nos laboratorios Joliot-Curie. En 1943, xa de volta na Arxentina decidiu abandonar a ciencia para dedicarse á literatura e a pintura

Escribiu diversos ensaios (El escritor y sus fantasmas, 1963; Apologías y rechazos, 1979, etc.) e tres novelas: El túnel (1948), Sobre héroes y tumbas (1961) e Abbadón el exterminador (1974).

O poeta inglés T.S. Elliot escribu nun fermoso poema que “abril é o mes máis cruel”... Este abril levounos a Sabato, pouco antes de cumprir os cen anos.

Sic tibi terra levis

Se queres escoitar e ver a Sabato aquí atoparás unha entrevista con el.

Rematando un período lector

Tiñamos este blog un pouco esquecido, aínda que comezamos as lecturas no club xa vai para uns cantos mesiños... Aproveitamos esta nova entrada para lembrarvos que as reunións colectivas dos grupos do club terán lugar o xoves e o venres desta semana. Así que, o xoves xuntaranse os grupos do 1º ciclo e o venres os do 2º; aínda que por suposto todo o alumnado, pertenza ou non ao club de lectura, pode acudir a estas.
No 1º ciclo, como xa sabedes, os libros lidos foron: La maldición del maestro de Laura Gallego , Reckless. Corazón de pedra de Cornelia Funke e Da terra á lúa e Miguel Strogoff de Jules Verne. Os grupos do 2º ciclo leron: Geografía mágica de Ana Cristina Herreros; De profundis, A mansión dos Pampín de Miguelanxo Prado e Os lobos de Moeche de Manuel Cráneo; Delicioso suicidio en grupo de Arto Paasilina e Picnic en Hanging Rock de Joan Lindsey.

Lecturas para o verán

O club de lectura Sansaliber elaborou unha guía de lectura con algúns dos libros que se leron neste durante o curso para aqueles que desexen ter un verán con lecturas. Felices vacacións.

Comicatízate e comiqueando

Xa sei o que estades pensando, pero que é iso de comicatizarte? Pois, é sinxelo: no Club de Lectura Sansaliber pensamos que sería interesante continuar as lecturas no verán e para isto seleccionamos uns cantos cómics que están expostos na biblioteca e inventamos esta “verbiña” tan peculiar. Así que este verán un cómic, polo menos! A outra palabra (“comiqueando”) ocorréusenos para definir a lectura da banda deseñada nos moi, moi longos días de verán cando esteades na praia, debaixo dunha árbore, nun banco dun parque, á luz dunha lanterna mentres observades as estrelas.... Lembrade, antes de que rematen as clases pasade pola biblioteca que vos agardan os protagonistas de De profundis, Aya de Yopougan, Persépolis, Aventura no Camiño de Santiago... E moitos máis. Corto Maltés retrasouse un pouco pero seguro que chega antes do verán... E Asterix e Obélix xa volveron aos andeis despois de acompañar durante o inverno aos alumnos e alumnas de Cultura Clásica de 3º que son uns verdadeiros afeccionados a ler as aventuras dos galos.

Corto Maltés
http://diccionarioasterix.blogspot.com/

I Certame de Microrrelatos Sansaliber

Parabéns para André, Iria, Sara e Silvia que foron os gañadores do I Certame de Microrrelatos Sansaliber cos relatos titulados: “Mauro e a lúa”, “La mosca”, “Unicornio” e “Estatua”. Tamén felicitamos a Rubén e Oriana, gañadores dos accésits por “Sin tinta” e “O adeus”.

Miguel Hernández

Algúns dos vosos compañeiros e compañeiras estiveron lendo Mala luna de Rosa Huertas, unha entretida novela na que o poeta Miguel Hernández ten un importante papel. Nós deixámosvos con esta reseña da novela e este vídeo sobre o poeta...

http://blocs.xtec.cat/asaiz/?p=399


Do poeta solidario de “El niño yuntero”:
¿Quién salvará a este chiquillo
menor que un grano de avena?
¿De dónde saldrá el martillo
verdugo de esta cadena?

Do poeta namorado que escribía no seu poema “Carta”:
Cuando te voy a escribir
se emocionan los tinteros:
los negros tinteros fríos
se ponen rojos y trémulos,
y un claro calor humano
sube desde el fondo negro.

Do poeta entristecido pola morte do seu amigo Ramón Sijé:
A las aladas almas de las rosas
del almendro de nata te requiero,
que tenemos que hablar de muchas cosas,
compañero del alma, compañero.

De Miguel, o “perito en lunas”, “umbrío por la pena, casi bruno” e alto de “mirar a las palmeras”:
Alto soy de mirar a las palmeras,
rudo de convivir con las montañas...

Terceiro período de lectura

Aquí andamos, xa case rematando o curso e mesmo a pesar dos exames e probas varias dedicándolle un tempiño á ectura. Os do primeiro ciclo están lendo: Diario de Greg. Un pringao total (Jeff Kinney), A praga escarlata (Jack London), Mala luna (Rosa Huerta) , La llamada de los muertos (Laura Gallego) e A lenda de Seepy Hollow (Washington Irving). Os do segundo len: El palacio de la medianoche (Carlos Ruíz Zafón), La fórmula preferida del profesor (Yoko Ogawa) e A cabeza da Medusa (Marilar Aleixandre). Felices lecturas!

Henning Mankell

O ano pasado algúns dos vosos compañeiros leron a novela de Henning Mankell El secreto del fuego que conta a historia de Sofia unha persoa invencible que consegue sobrepoñerse á unha terrible desgraza e a numerosas adversidades. En palabras do seu autor: “Este libro trata de una persona invencible llamada Sofia. Existe en la realidad y tiene 12 años. Vive en uno de los países más pobres del mundo, Mozambique, que está situado en la costa este de África.”

O libro foi un éxito e non só entre os lectores do club. Fai xa algúns días, un grupo de compañeiros e compañeiras deste acabou de ler La ira del fuego, continuación independente de El secreto del fuego.

Henning Mankell é un exitoso novelista e dramaturgo sueco, autor das moi populares novelas policíacas protagonizadas polo comisario Kurt Wallander. É director do Teatro Nacional de Mozambique, país en cuxa capital (Maputo) reside a tempo parcial na actualidade. Entre os numerosos premios que recibiu figura o San Clemente do ano 2009. Por certo, sabías que o Premio San Clemente (certame literario que premia as mellores novelas escritas en lingua galega, castelá e estranxeira) está organizado polo Instituto Rosalía de Castro de Santiago e que son os alumnos/as deste centro conxuntamente cos doutros catro centros de Galicia os que elixen as novelas premiadas?

http://www.laopinioncoruna.es/secciones/noticia.jsp?pRef=2009062300_13_298080__Cultura-Henning-Mankel-Pison-Inma-Lopez-Silva-premios-Clemente

Se queres saber máis sobre Mankell:

http://www.henningmankell.com/

Sofia:

http://www.henningmankell.com/Books/About_Sofia

En fin, rematamos con este vídeo no que Mankell (que fala moi ben portugués, lingua oficial en Mozambique) presenta o seu libro Moriré, pero mi memoria sobrevivirá no que reflexiona sobre o devastador impacto da sida en África.

Miguel Delibes

Daniel el Mochuelo, Roque el Moñigo, Juan Gualberto el Barbas, Nini o cazador de ratas, Lorenzo o emigrante, o Tío Ratero... Hoxe, todos eles están un pouco orfos porque vén de finar o seu autor, Miguel Delibes, no seu Valladolid natal á idade de oitenta e nove anos.

Nós lembrarémolo cando abramos as páxinas das súas novelas (El camino, Cinco horas con Mario, El hereje) e admiraremos unha vez máis a profundidade coa que retratou aos seus personaxes, o seu achegamento aos máis humildes, o seu prodixioso dominio do castelán, a súa capacidade para plasmar os diferentes niveis e rexistros lingüísticos (a fala campesiña, a lingua coloquial, a linguaxe infantil)...

E quen isto escribe, envexará un pouquiño a aquel afortunado ou afortunada que abra por primeira vez El camino e poida sentir con Daniel el Mochuelo “un indefinible desasosiego cósmico” ao contemplar a bóveda do firmamento ou a quen lea as lúcidas palabras do discurso de ingreso na RAE do valisoletano (pronunciado no ano 1975 e editado posteriormente co título de Un mundo que agoniza):

“He aquí mi credo, y, por hacerlo comprender, vengo luchando desde hace muchos años. Pero, a la vista de estos postulados, ¿es serio afirmar que la actual orientación del progreso es la congruente. Si progresar, de acuerdo con el diccionario, es hacer adelantamientos en una materia, lo procedente es analizar si estos adelantamientos en una materia implican un retroceso en otras y valorar en qué medida lo que se avanza justifica lo que se sacrifica”.

(...) Todo cuanto sea conservar el medio es progresar; todo lo que signifique alterarlo esencialmente, es retroceder.

Sic tibi terra levis

http://www.catedramdelibes.com/

http://www.elpais.com/videos/cultura/Obituario/Miguel/Delibes/elpepucul/20100312elpepucul_1/Ves/

Segundo período de lectura

Xa estamos inmersos nas novas lecturas... No 1º ciclo están lendo os seguintes libros:Danny, campión do mundo (Roald Dahl), El niño con el pijama a rayas (John Boyne), A lenda de Sleepy Hollow (Washington Irving), Fenris el elfo (Laura Gallego) e Diario de Greg. Un pringao total (Jeff Kinney). Os do 2º ciclo dedícanlle o seu tempo a: Jugar con fuego (Henning Mankell), La clave secreta del universo (Stephen & Lucy Hawking) e Rebeldes (Susan Hinton).

Felices lecturas.

Libros lidos

O mércores 20 de xaneiro tivo lugar a primeira reunión colectiva dos grupos de alumnos/as do 1º ciclo que expuxeron as súas opinións sobre os seguintes libros: Trece anos de Branca (Agustín Fernńadez Paz), Relatos de fantasmas ( Steven Zorn), La prisionera del mago (Michell Girin), La hija del Ganges (Aisha Miró) e Los caminos del miedo (Joan Manuel Gisbert). O luns 25 foron os alumnos do 2º ciclo os que se reuniron para falar de La sombra del viento (Carlos Ruíz Zafón), La soledad de los números primos (Paolo Giordano) e Irmán do vento (Manuel Lourenzo). Agora iniciamos xa as lecturas do segundo período de lectura, aínda que algúns dos grupos están pendentes de elixir o libro. Cal será? Esperamos sabelo dentro de pouco.

J. D. Salinger In memoriam, escritor 1919-2010

En 1951 J. D. Salinger publicou O vixía no centeo (The catcher in the rye). Nesta novela, que non tardaría moito en converterse nun símbolo da rebeldía xuvenil, cóntanos a historia de Holden Cauldfield que coñecedor de que vai ser expulsado do colexio decide deixar este antes, dirixídonse a Nova York por onde deambula durante tres días mentres se vai afundindo na depresión. Nunhas poucas horas o sensible e inestable Holden enfrontarase aos problemas que trae o medrar e o impulso de fuxir do mundo que lle agarda ao ser adulto.

Coa publicación desta novela Salinger acadou unha enorme popularidade que non semellou compracerlle moito porque decidiu apartarse do mundo, protexendo ata tal punto a súa intimidade que apenas se conservan fotos del. De feito só concedeu unha entrevista na súa vida (ao xornal The New York Times) e foi para defender a súa intimidade. Nesta afirmou: “Hai unha paz marabillosa en non publicar. É pacífico. Tranquilo. Publicar é unha terrible invasión da miña vida privada. Gústame escribir. Amo escribir. Pero escribo só para min mesmo e para o meu propio placer.”.

http://www.elpais.com/articulo/cultura/Muere/J/D/Salinger/autor/guardian/centeno/elpepucul/20100128elpepucul_5/Tes

http://www.galicia-hoxe.com/index_2.php?idMenu=86&idNoticia=511070

O pasado 27 de xaneiro finou aos 91 anos J.D.Salinger en New Hampshire (USA). Finou un home de “talento infinito” (segundo Ernest Hemingway). Finou un home que tentou por riba de todo defender a súa intimidade.

Sit tibi terra levis J.D.Salinger.

http://es.wikipedia.org/wiki/Locuciones_latinas

Dahl e Admunsen: dous homes chamados Roald

Roald Admunsen foi un famoso explorador noruegués que dirixiu a expedición que chegou por primeira vez ao Polo Sur. En 1928 pereceu nun accidente aéreo, cando tentaba atopar ao explorador italiano Umberto Nobile que se perdera no Ártico. Once anos (case doce) antes, unha familia norueguesa residente en Gales decidiu chamarlle Roald ao seu fillo na súa honra. E... si, este Roald nacido en Galés, piloto de aviación na Royal Air Force na Segunda Guerra Mundial e escritor é o famoso autor de Danny, o campión do mundo. E tamén é o mociño que soñaba no internado no que estudaba con inventar unha barra de chocolate...

Aquí tedes dous enlaces interesantes sobre o autor:

http://www.roalddahl.com/
http://www.iesxunqueira1.com/dahl/

Este é un podcast sobre unha expedición que tentaba atopar os restos do hidroavión de Roald Admunsen

Laura Gallego

Sabías en que ano naceu Laura Gallego? En 1977. Onde? En Quart de Poblet (Valencia). Cal é o seu libro favorito? La historia interminable de M. Ende...Se queres saber moito máis sobre ela, aquí tes o enderezo da súa páxina web.

Stephen Hawking

Stephen Hawking, autor xunto coa súa filla Lucy do libro La clave secreta del universo, visitou Santiago de Compostela. Aquí tes un video que lembra a súa visita

Lendo en maio

Non era sen tempo, diredes moitos cando vexades inaugurado o noso blog do club de lectura. E recoñecémolo, tedes toda a razón. Aínda que, quizais, algún ou algunha lembre aquela frase feita tan socorrida de “Máis vale tarde ca nunca”. En fin, este mes de maio non nos deixamos levar pola maiola e continuamos lendo. Os do 1º ciclo dedican o seu tempo a Galileo el astrónomo de Esteban Rodríguez Serrano, Danny o campión do mundo de Roald Dahl e Finis mundi de Laura Gallego. Os do 2ª ciclo len La clave secreta del universo de Lucy e Stephen Hawking, La hija del Ganges de Aisha Miró e Rúa Carbón de Marilar Aleixandre.